એપ્રિલ મહિનાથી ઘટી જશે તમારી ટેક હોમ સેલેરી!

404

એપ્રિલ મહિનાથી ઘટી જશે તમારી ટેક હોમ સેલેરી! 

મોદી સરકાર આવતા વર્ષે 1લી એપ્રિલથી નવું વેજ બિલ લાગુ કરવા જઈ રહી છે, જેનાથી તમારી ટેક હોમ સેલેરી ઘટશે અને પીએફ અને ગ્રેજ્યુટીમાં રૂપિયા વધશે.આવતા વર્ષે તમારી ટેક હોમ સેલેરી ઘટી જશે, પરંતુ કંપની તમને વધારે રૂપિયા ચૂકવશે. આ વાત જાણીને નવાઈ લાગી ને? પણ, આ સાચી વાત છે.

હવે, આપણા દેશમાં પણ વિકસિત દેશોની જેમ સામાજિક સુરક્ષા પર ભાર આપવામાં આવશે. તેની અસર એ થશે કે તમારા બેંક ખાતામાં ઓછી સેલેરી આવશે, પરંતુ તમારા પીએફ અને ગ્રેજ્યુટીમાં કંપનીને વધુ ચૂકવણી કરવી પડશે.

હકીકતમાં, સરકારના નવા વેજ બિલને આગામી વર્ષે એપ્રિલમાં લાગુ કરાશે. સરકારે નવા વેજ બિલ અંતર્ગત જે ડ્રાફ્ટ નિયમોનું નોટિફિકેશન બહાર પાડ્યું છે, તે અંતર્ગત કંપનીઓએ તેમના સેલેરી પેકેજ સ્ટ્રક્ચરમાં ફેરફાર કરવો પડશે. આ નવા નિયમ Code on Wages, 2019 અંતર્ગત આવે છે, જે આવતા વર્ષે એપ્રિલ મહિનાથી લાગુ થવાની શક્યતા છે. તે અંતર્ગત કોઈપણ કર્મચારીને મળવાનારું અલાઉન્સ કુલ સેલેરીના 50 ટકાથી વધુ ન હોઈ શકે. તેનો અર્થ એ થયો કે, હવે બેઝિક સેલેરી 50 ટકા કે તેનાથી પણ વધુ હોઈ શકે છે. કેમકે પીએફ બેઝિક સેલેરીના આધાર પર જ કેલક્યુલેટ કરવામાં આવે છે, તો તેમાં હવે કંપની અને કર્મચારી બંનેનું યોગદાન વધી જશે.

આ નિયમનું પાલન કરવા માટે કંપનીઓએ સેલેરીના બેઝિક પે કમ્પોનન્ટને વધારવો પડશે, જેના પગલે ગ્રેજ્યુટી પેમેન્ટ અને કર્મચારી તરફથી ભરતા પ્રોવિડંડ ફંડની રકમ વધી જશે. રિટાયરમેન્ટ માટે જમા કરાતી રકમ વધવાનો અર્થ છે કે, તમારી ટેક હોમ સેલેરી ઓછી થઈ જશે, પરંતુ તમારું રિટાયરમેન્ટ ફંડ વધી જશે.

આ નવી વ્યવસ્થા એપ્રિલ 2021થઈ લાગુ થઈ શકે છે. તે વધવાથી કર્મચારીની ટેક હોમ સેલેરી ઘટશે અને કંપની પર નાણાકીય બોજ વધશે. તે સાથે જ તેની બેઝિક સેલેરીનો અર્થ છે કે ગ્રેજ્યુટીની રકમ પણ હવે પહેલા કરતા વધારે હશે અને એ પહેલાની સરખામણીમાં એકથી દોઢ ગણી વધારે હોઈ શકે છે.

મોટી કંપનીઓમાં ઊંચા પગારવાળા કર્મચારીઓના સેલેરી સ્ટ્રક્ચરમાં મોટાભાગે અલાઉન્સનો ભાગ 70થી 80 ટકા હોય છે. એપ્રિલ પછી આ સેલેરી સ્ટ્રક્ચર બદલાઈ જશે તે નિશ્ચિત છે અને તેમાં અલાઉન્સનો ભાગ ઘટી જશે. મોટભાગની કંપનીઓમાં ગ્રોસ અને બેઝિક સેલેરીનો રેશિયો 30થી 50 ટકા છે. તેમાં કંપનીઓની સેલેરી પર થનારો ખર્ચ પણ 10થી 12 ટકા સુધી વધી શકે છે.