1લી જાન્યુઆરી પહેલા કરી લો આ કામ

927

1લી જાન્યુઆરી પહેલા કરી લો આ કામ

વાહન ચાલકો માટે નવું વર્ષ નવા નિયમો લઈને આવ્યું છે. તમે તમારું વાહન ચલાવતા પહેલા નવા વર્ષે આ નિયમોનું ધ્યાન રાખી લેજો. નહીં તો તમે મોટી મુસીબતમાં ફસાઈ શકો છો. નાની વાતોનું ધ્યાન રાખી લેવાથી તમે 5000 રૂપિયા જેવી દંડની રકમ ભરવાથી બચી શકો છો.

જી હા, જો તમારા ડ્રાઈવિંગ લાયસન્સ અને વાહન પજીકરણ પ્રમાણપત્રની તારીખ ખતમ થઈ ગઈ છે તો તેને તરત જ રીન્યુ કરાવી લો. નહીં તો તમારી બેદરકારી તમને નવા વર્ષે ભારે પડી શકે છે. કોરોના મહામારીના કારણે કેન્દ્ર સરકારે 31 ડિસેમ્બર સુધી જ આ નિયમોમાં છૂટ આપી હતી. પરંતુ હવે આ ડ્રાઈવિંગ લાયસન્સ કે આરસી કે પછી પીયુસીના ડોક્યુમેન્ટ્સમાં કોઈ ઢીલ ચલાવી લેવાશે નહીં. જો તમારા આ ડોક્યુમેન્ટ્સ જૂના થઈ ગયા છે તો તમારે તેને તરત જ રીન્યૂ કરાવી લેવાના છે. નહીંતો તમારે 31 ડિસેમ્બર પછી એટલે કે 1 જાન્યુઆરી 2021થી તેને માટે 5000 રૂપિયા સુધીનો દંડ ભરવો પડી શકે છે.

પરિવહન વિભાગના એક અધિકારીએ કહ્યું છે કે જો સડક પરિવહન અને રાજમાર્ગ મંત્રાલયે આ સીમાને ફરી નહીં વધારી તો વાહન ચાલકોની મુશ્કેલી ફરીથી વધી શકે છે. નવા મોટર વાહનના નિયમ અનુસાર જો વાહન ચાલકની પાસે વેલિડ લાયસન્સ નથી અને તે વાહન ચલાવતા પકડાઈ જાય છે તો તેની પર 5000 રૂપિયાનો દંડ થઈ શકે છે.

આ રીતે રીન્યૂ કરાવી લો તમારું ડ્રાઈવિંગ લાયસન્સ

અરજી કરનારે ડ્રાઈવિંગ લાયસન્સને રીન્યૂ કરાવવા મામટે પરિવહન વિભાગની વેબસાઈટ parivahan.gov.in પર લોગઈન કરવાનું રહે છે. અહીં ડ્રાઈવિંગ લાયસન્સ સંબંધિત સેવાઓ પર ક્લિક કરવાનું રહે છે. આ પછી અરજદારે ડીએલ સેવાઓ પર જવાનું રહે છે.અહીં તમારા ડ્રાઈવિંગ લાયસન્સની સાથે અન્ય માહિતી હોય તે ભરવાની રહે છે. આ પછી ડોક્યુમેન્ટ્સ અપલોડ કરવાના રહે છે અને નજીકના આરટીઓ પર જવા માટે સ્લોટ બુક કરીને પેમેન્ટ કરવાનું રહે છે. આરટીઓમાં બાયોમેટ્રિક તપાસ કરાશે અને સાથે જ અહી તમારા ડોક્યુમેન્ટ્સની ફરીથી તપાસ કરાશે. આ પછી તમારુ ડ્રાઈવિંગ લાયસન્સ ફરીથી બનશે. આ પ્રક્રિયા આરસીને રીન્યુ કરવા માટે પણ એક જેવી છે.

રાજ્ય પરિવહન વિભાગના રેકોર્ડ પર નજર કરીએ તો રવિવાર સુધી ડ્રાઇવિંગ લાયસન્સ પોસ્ટ ઓનલાઈન અરજી જમા કરવાના નવીનીકરના માટે આરટીઓમાં એપોઈન્ટમેન્ટ લેવાની સમયસીમા 2-60 દિવસની હતી. આ મહિને ડ્રાઈવિંગ લાયસન્સ અને આરસી મેળવવા માટે લોકોની ભીડ વધી છે. 13 આરટીઓમાં રોજના 200 નવા લાયસન્સ બની રહ્યા છે. અને નવીનીકરણની પ્રક્રિયા સરળ પણ છે.